Коул Палмер: "Бундай голлар устида машқ қиламиз"

"Челси" ярим ҳимоячиси Коул Палмер Клублар ўртасидаги Жаҳон чемпионати 1/4 финалида "Палмейрас" устидан қозонилган 2:1 ҳисобидаги ғалабадан сўнг ўз фикрлари билан ўртоқлашди.

Беллашув АҚШда бўлиб ўтди ва Палмер 16-дақиқада ҳисобни очди. У Трево Чалобанинг аъло даражадаги диагонал узатмасини қабул қилиб, жарима майдони ичига кирди ва чап оёғи билан пастки бурчакка аниқ зарба йўллади.

Гол ҳақида:

"Биз бундай вазиятлар устида машғулотларда ишлаймиз. Бўшликни кўрдим, унга кирдим ва гол урдим".

Танаффусда Энцо Маресканинг гаплари: 

"У шундай деди: “Хотиржамликни сақланг, пас ўйинини давом эттиринглар, ҳаммаси жойида бўлади”.

"Палмейрас"нинг ягона гол муаллифи Эстевао ҳақида:

"Унинг даражаси юқори эканлиги кўриниб турибди. Биз у тез орада жамоамизга қўшилишига хурсандмиз" – дея ўз фикрларини билдириб ўтди англиялик ҳавбек.