"Истиқлол" Ўзбекистон терма жамоасининг яна бир футболчисига қизиқиш билдирмоқда

"Истиқлол" тез орада Рустам Ашурматов трансферини расман эълон қилиши кутилмоқда. Шу билан бирга, клуб яна бир футболчимизга қизиқиш билдираётгани ҳақида миш-мишлар чиқяпти. 

Эронлик журналист Эрфан Хосеинининг сўзларига кўра, "Истиқлол" "Бунёдкор" ярим ҳимоячиси Одил Ҳамробековни кўзламоқда. 

Ҳамробековнинг "Бунёдкор" билан 2026 йилнинг якунига қадар амал қиладиган шартномаси бор. Шундай экан ушбу трансфердан "Бунёдкор" пул ишлаб олиши мумкин. 

Маълумот учун, Ҳамробеков бундан олдин ҳам легионер сифатида ҳаракат қилган. Уни "Шабаб Ал-Аҳли" 2021 йилда "Пахтакор"дан ижарага олганди.