Европанинг топ клублари италиялик ҳужумчи учун курашади

"Милан" ва "Аталанта" Лоренсо Лукка учун курашга қўшилди.

Журналист Алфредо Педулланинг маълум қилишича, "Милан" ҳужумчи атрофидаги вазиятни аниқлаштириш мақсадида "Удинезе"га сўров юборган. Шунингдек, Луккага "Аталанта" ҳам қизиқиш билдирмоқда.

Аввалроқ, "Атлетико" 24 ёшли ҳужумчи учун трансфер таклифини бериши мумкинлиги ҳақида хабар берилганди. Лукка учун курашда "Наполи" энг кучли номзод ҳисобланади. Клублар шу ҳафта бошида учрашув ўтказишни режалаштирган эди.

А Сериянинг якунига етган мавсумида Лукка 33 та ўйинда 12 та гол урди ва битта голли узатмани амалга оширди.