Доннарумма ўзи жароҳат етказган Мусиалага нима деди?

ФИФА томонидан янги форматда ташкил этилган клублар ўртасидаги жаҳон чемпионатининг чорак финалида “Пари Сен-Жермен” футболчилари “Бавария” билан тўқнаш келди.

Бу баҳсда иккита ўйинчи кам бўлиб қолганига қарамай, парижликлар Бундеслига чемпиони дарвозасига жавобсиз иккита тўп киритди.

Учрашувнинг кульминацион нуқтаси биринчи бўлим охирига тўғри келди. Парижликларнинг италиялик дарвозабони Жанлуижи Доннарумма рақиб футболчиси Жамол Мусиала билан тўқнашиб кетди.

Германиялик ўйинчининг жароҳати оғирлиги учун дарҳол шифохонага олиб кетилди. Учрашувдан кейин Доннарумма ижтимоий тармоқдаги саҳифаси орқали 22 ёшли немис футболчисига мурожаат йўллади.

- Жамол, барча дуоларим ва энг яхши тилакларим сенга қаратилган, - деб ёзд Жанлуижи Доннарумма.

Маълумотларга қараганда, Жамол Мусиала майдонга қайтиш учун камида тўрт-беш ой даволанишига тўғри келади.