"Машъал" ёзги йиғинни бошлади. Икки нафар ўйинчи тарк этди

Биринчи даврани 12-ўринда якунлаган Муборакнинг “Машъал” клуби бугундан ўз қароргоҳида иккинчи даврага тайёргарликни бошлади. Йиғин давомида Тошкентда ҳам машғулотларни давом эттириши кутилмоқда.

Иккинчи даврага тайёргарлик кўриш жараёнида учта назорат учрашуви ўтказилиши ҳам режалаштирилган. Улардан бири “Насаф”га қарши ўтказилади.

Таркибда ҳам айрим ўзгаришлар юз беради. Sports.uz га маълум бўлишича, дарвозабон Владимир Вагин ва ярим ҳимоячи Иброҳим Нўъмонов “Машъал” билан хайрлашишган. Бундан ташқари, ганалик Мудасиру Салифу ҳам клубни тарк этиш эҳтимоли бор.

Шунингдек, жамоага янги ўйинчилар ҳам қўшилади.