Бэйл: "Мбаппедан ҳамма юқори натижа кутади"

Гарет Бэйл Килиан Мбаппенинг ўтган мавсумдаги ҳаракатлари ҳақида ўз фикрини билдирди.

- Килиан ҳамон гол урмоқда ва яхши ўйин кўрсатмоқда, лекин "Реал" бу мавсумда ҳеч қандай совринга эришмади. "Реал"да эса сендан доимо ғалабалар кутишади - шунинг учун бу осон эмас. У майдонда бор кучини сарфламоқда, бироқ унга керакли даражада имкониятлар яратилмаётган бўлиши мумкин.

Хаби Алонсо тўғри мувозанатни топиши керак: прессинг қилиш, максимал даражада рақибларни ҳолдан тойдириш, лекин шу билан бирга Килианнинг кучини ҳал қилувчи дақиқалар учун сақлаш. Бу осон вазифа эмас. Мен уни танқид қилишни ва мавсумни муваффақиятсиз деб баҳолашни истамасдим.

Аммо, шубҳасиз, унинг номи ва кутилаётган юқори натижалар туфайли ҳамма доим ундан кўпроқ нарса кутади, - деди "Реал"нинг собиқ ярим ҳимоячиси.