"Манчестер Юнайтед" футболчиси жароҳат олди ва қачон сафга қайтиши маълум

"Манчестер Юнайтед" асосий дарвозабони Андре Онана янги мавсум бошланишидан олдин жароҳат олди. 

Камерунлик посбон тахминан икки ойгача майдонга туша олмаслиги мумкин. Шу сабабли у АПЛнинг биринчи турида иштирок этмаслиги эҳтимолдан холи эмас.

Фабрицио Романонинг хабарига кўра, Онананинг жароҳатидан сўнг МЮ янги дарвозабон билан шартнома имзолаш қарорини қатъийлаштирган. Шу билан бирга, 29 ёшли дарвозабоннинг ўзи клубда қолиш ниятида ва ҳеч қандай трансфер ҳақида ўйламаяпти — у фақат "қизил иблислар"га ёрдам беришга тўлиқ эътибор қаратган.

Эслатиб ўтамиз, май ойида Саудия Арабистони клублари Онанага қизиқиш билдирган эди, аммо ҳозирча расмий таклифлар келиб тушмаган.