"Ювентус" "Манчестер Сити" етакчисига қизиқиш билдирмоқда

"Ювентус" жамоа таркибини кучайтириш бўйича режаларни ишлаб чиқмоқда. "Transfer News Live" манбаси "Calciomercato"га таяниб хабар беришича, туринликлар Бернарду Силвани трансфер қилиш имкониятини кўриб чиқмоқда.

Португалиялик футболчи ёзда эркин агентга айланиши мумкин. Унинг "Манчестер Сити" билан тузган шартномаси июнь ойи охирига қадар амал қилади. Аввал ҳам матбуотда Силванинг "Ювентус"га ўтиши мумкинлиги ҳақида бир неча бор хабарлар тарқалган эди.

Бернарду Силва "Манчестер Сити" сафида 2017/2018 йилги мавсумдан буён тўп суриб келмоқда. Жамоа бош мураббийи Хосеп Гвардиола жума куни бўлиб ўтган матбуот анжуманида футболчининг келажаги борасида аниқ маълумотга эга эмаслигини айтди.

Маълумот учун, ёзда Бернарду Силва 32 ёшга тўлади.