Ғалаба учун энди Ҳусанов ўйнамаса бўлмайди!

Карабао кубоги финалидаги ғалабадан ва жорий мавсумдаги охирги халқаро танаффусдан сўнг “Манчестер Сити” Англия кубоги чорак финалидаги асосий рақибларидан бири – “Ливерпуль”га тўқнаш келади.

“Манчестер Сити” фаолиятини ёритиб келаётган cityxtra.co.uk сайти эксперти Жош Уэбб Хосеп Гвардиола 4 апрелга белгиланган учрашувда қайси футболчилар хизматидан фойдаланишини таҳлил қилди. Экспертнинг фикрича, “шаҳарликлар” Англия кубоги чорак финалида “Этиҳад”да бўладиган “Ливерпуль”га қарши чорак финалда қуйидаги таркибни майдонга туширади.

Жеймс Траффорд

Англия миллий терма жамоасида дебют қилган Жеймс Траффорд  кубок ўйинларидаги муваффақиятини давом эттириш умидида, дарвозабон позициясида асосий таркибда майдонга тушиши керак. Унинг Карабао кубоги финали бошидаги кетма-кет учта сейви “Сити”нинг бу дарвозабони нималарга қодир эканини яна бир бор кўрсатди.

Кубок ўйинларида кўпроқ ўйин амалиёти олиш ва эҳтимол келаси мавсумда Пеп Гвардиола режаларида муҳимроқ роль эгаллаш умидида, Траффорд “Ливерпуль”га қарши ўйинда ўзининг ажойиб натижасини янада ривожлантиришга интилади.

Матеуш Нуньеш

Матеуш Нуньеш бир қатор ажойиб ўйинлари туфайли асосий таркибдаги муҳим футболчилардан бирига айланди ва у дунёдаги энг яхши қанот ҳимоячиларидан бири сифатида шаклланяпти.

Албатта, бу кубок ўйини бўлгани учун Пеп Гвардиола ушбу мавсумда имкониятлари кам бўлган Рико Льюисга ҳам ўйин вақти бериши мумкин. Аммо рақибнинг кучини ҳисобга олганда, Нуньеш хавфсизроқ вариант деб ҳисобланмоқда.

Абдуқодир Ҳусанов

Ушбу мавсумда икки марта жамоанинг “ой футболчиси” бўлган ягона ўйинчи –  Абдуқодир Ҳусанов бир неча бор дунёнинг энг кучли ҳужумчиларига қарши туришга қодир эканини исботлади ва бу ўйин унга буни яна бир бор намоён қилиш имконини бериш зарур.

“Ливерпуль” бу мавсумда қийинчиликка дуч келаётган бўлса-да, жамоада ҳали ҳам ҳар қандай ҳимояга муаммо туғдиришга етарли ҳужум салоҳияти бор ва Абдуқодир Ҳусановнинг тезлиги ҳамда куч-қуввати бу таҳдидга қарши идеал жавоб бўлиши аниқ.

Натан Аке

Ҳусанов билан бирга Натан Аке Карабао кубоги финалида ажойиб ўйин кўрсатди ва у ҳали ҳам энг муҳим учрашувларда юқори даражада ўйнай олишини намоён қилди. Ўйин вақти чекланганига қарамай, Акенинг майдонга тушиши тўлиқ кафолатланмаган, аммо клубдаги эҳтимол сўнгги мавсумларидан бири бўлиши мумкин бўлган йилда жамоага яна бир кубокни қўлга киритишда ёрдам бериш имконияти у учун жуда муҳим бўлар эди.

Райан Айт-Нури

Райан Айт-Нури сўнгги ўйинда захирада қолди, аммо унинг ҳозирги формаси асосий таркиб учун жуда яхши номзодга айлантиради. Муҳаммад Салоҳни тўхтата оладиган тезлик ва “Ливерпуль” ҳимоясига муаммо туғдирадиган ҳужум имкониятлари туфайли Айт-Нури албатта Гвардиола эътибор марказида бўлади.

Нико Гонсалес

Мавсумни ажойиб бошлаганига қарамай, Нико Гонсалес сўнгги пайтда ўйин амалиёти билан боғлиқ муаммоларга дуч келди. Англия кубоги испаниялик футболчи учун, агар Родри ёзда клубни тарк этса, “Манчестер Сити”нинг асосий таянч ярим ҳимоячиси сифатида ўзини кўрсатиш учун идеал имкониятни тақдим этади.

Нико  О'Райли ва Бернарду Силва

Нико О'Райли ва Бернарду Силва ушбу мавсумда “Сити” учун кўплаб муҳим тўқнашувларда ҳал қилувчи роль ўйнади.

Кубок Фил Фоден ва Тиджани Рейндерсга ўзларини кўрсатиш имконини бериши мумкин бўлса-да, агар ярим ҳимоячиларни фақат ҳозирги формасига қараб танлаш керак бўлса, эҳтимол энг муносиб номзодлар О'Райли ва Бернарду бўлади. Янги совринларни қўлга киритишнинг энг яхши имконияти Англия кубогида бўлган бир пайтда, ярим ҳимояни бошқариш ролини Карабао кубоги қаҳрамони ва жамоа сардоридан кўра ким яхшироқ бажара олади?

Савио

Савио бир неча бор танқидга учраган, аммо сўнгги ўйинларда у Пеп Гвардиола нега уни ўтган ёзда сақлаб қолишни истаганини кўрсатди. Англия кубоги бешинчи босқичида “Ньюкасл”га қарши ажойиб ўйини билан бразилиялик ҳужумкор футболчи нималарга қодирлигини исботлади ва буни яна бир бор намойиш этишга тайёр.

Умар Мармуш

Умар Мармуш мавсумнинг катта қисмида захира ўйинчиси роли билан чекланди, аммо кубок ўйинларида у асосий таркибдан ўрин олиш учун бор имкониятини ишга солади.

“Ньюкасл”га қарши ўйиндаги дубли орқали мисрлик футболчи Эрлинг Холанддан устун қўйилганда нималарга қодир эканини кўрсатди. Албатта, норвегиялик тўпурар одатда асосий таркибда майдонга тушади, аммо ҳатто унга ҳам дам олиш фойдадан холи эмас.

Пеп Гвардиола бу учрашувга кимни танламасин, у ўзини исботлаши керак бўлади, чунки сўнгги ўйинларда голлар кўпинча бошқа позициялардан киритилмоқда.

Жереми Доку

Жереми Докунинг мавсум бошидаги ажойиб ўйини жароҳат билан сояланган бўлса-да, мавсум бошида “Ливерпуль”га қарши ўйинини ҳисобга олсак, у асосий таркибда ўйнашга тўлиқ лойиқ.

Антуан Семеньо ва Райан Шерки “Манчестер Сити”да ўзларини жуда яхши кўрсатишди, аммо ҳаммамиз биламизки, Пеп Гвардиола сир сақлашни яхши кўради. Бу икки ҳужумкор фуболчининг “Арсенал”га қарши финалда асосий таркибда тушганини ҳисобга олсак, бу гал Доку жуда эҳтимолий номзодга ўхшайди.

Асосий таркиб: Траффорд; Нуньеш, Ҳусанов, Аке, Айт-Нури; Нико, О'Райли, Бернарду; Савио, Мармуш, Доку.

Захира: Доннарумма, Диаш, Гехи, Родри, Рейндерс, Фоден, Семеньо, Шерки, Холанд.

 

Олмалиқда туғилган футболчи трансферини Манчестер ва Мадрид суперклублари сўради

CITY MAGAZINE: Ҳамма Ҳусановдан ҳайратда!

Ҳусанов ва Ўзбекистон ғалабасига “Манестер Сити”дан қандай муносабат бўлди?

Ҳусанов ёлғиз қолишни истади...

Шомуродовдан қолган жойни Муҳаммад Салоҳ эгаллайди

Ўзбекистон: Бу галги рақиб Аргентина ва Бразилияни қўрқитган жамоа!