Машҳур нашр ЖЧ иштирокчиларини ўринларга жойлаб чиқди. Ўзбекистон нечанчи ўринда?

Нуфузли The Athletic нашри 2026 йилги жаҳон чемпионати иштирок этадиган 48 та терма жамоани 48 та ўринга қўйиб чиқишди. Ушбу рейтингни нашр вакиллари Ник Миллер ва Спайерс шакллантиришди.

Кучли ўнликдан Испания, Аргентина, Франция, Бразилия, Нидерландия, Англия, Португалия, Германия, Колумбия ва Хорватия терма жамоалари жой олишди.  

Осиё қитъасидан юқори ўринларни Жанубий Корея (16-ўрин), Япония (21) ва Австралия (25) эгаллашди.

ЖЧ-2026 “К” гуруҳида Португалия (6), Колумбия (9) ва Конго Демократик Республикаси (43) ўрин олган. Ўзбекистон Миллий терма жамоаси 45-ўринга лойиқ кўрилди. “Оқ бўрилар”дан пастки поғоналарда фақатгина Ироқ, Кюрасао ва Гаити термалари жой олишган.