Аввал хабар берганимиздек айни пайтда профессионал боксда фаолиятини давом эттираётган ҳамюртимиз Шаҳрам Ғиёсов бугун Лондондаги афсонавий "Уэмбли" стадионида навбатдаги рейтинг жангида рингга кўтарилади.

Бугун ҳамюртимизга никарагуалик боксчи Хулио Лагуна рақиблик қилади. Эслатиб ўтиш лозимки, Шаҳрам Ғиёсов айни пайтгача профессионал рингда тўрт марта жанг қилиб, уларнинг барчасида ғалаба қозонган. Эътиборлиси, шулардан 3таси нокаут эвазига қўлга киритилган. Лагуна эса 14та жанг ўтказган ва уларнинг барчасида ғолиб бўлган. 10та жангни муддатидан олдин якунлаган.

Маълумот учун, ушбу жанг Тошкент вақти билан соат 22:00да бошлаб "УзРепорт" телеканалида тўғридан-тўғри намойиш этилади.