Бразилия терма жамоасининг тарихий ўйини йирик ҳисобда якунланди

Бразилия терма жамоаси ўз тарихида илк бор Ҳиндистон терма жамоасига қарши майдонга тушди.

Калькутта шаҳрида (Ҳиндистон) ўтказилган ўртоқлик учрашуви бразилияликлар учун муваффақиятли якунланди — 4:0. Бразилия таркибида Эстевао 28-дақиқада ҳисобни очди, Педро 42-дақиқада устунликни оширди, Самуэл Лино эса 58 ва 90+5-дақиқаларда гол уриб, дублга эришди.

Бу беллашув Бразилия терма жамоаси учун жаҳон чемпионатидан кейинги учинчи ўйин бўлди. Аввалроқ Карло Анчелотти шогирдлари Австралия терма жамоасига қарши икки марта майдонга тушган: биринчи ўйин 1:1 ҳисобида дуранг билан якунланган, иккинчисида эса бразилияликлар 4:2 ҳисобида ғалаба қозонган. 

Ҳиндистон эса Бразилияга қарши учрашув олдидан Панама терма жамоасига қарши ўртоқлик ўйини ўтказиб, 1:1 ҳисобидаги дурангга эришган эди.