Биласизми? Модрич ЖЧ-2018да жами 16та голли вазият яратган

Хорватия терма жамоаси сардори Лука Модрич айни дамда Россия яшил майдонларида бўлиб ўтаётган жаҳон чемпионатида қанча голли вазият яратгани ҳисоблаб чиқилди.

Opta статистик нашри тарқатган хабарга кўра 32 ёшли ярим ҳимоячи умумий ҳисобда ҳозирча 16 марта шерикларини голли вазиятга олиб чиққан.

Жамоанинг яна бир етакчи ярим ҳимоячиси Иван Ракитич эса 8та голли вазият яратишда бевосита иштирок этган.

Маълумот учун, Модрич ЖЧ-2018да жами 6та баҳсда майдонга тушди ва ўз ҳисобига 2та гол ҳамда 1та голли узатмага муаллифлик қилган.