Каролин Возняцки: Симона кучли теннисчи! Лекин мен зафар қучаман
Даниялик теннисчи Каролин Возняцки “Катта дубулға” туркумига кирувчи “Australian Open – 2018” турнирининг финал ўйинидан нималар кутаётгани ҳақида тўхталиб ўтди.
“Финалга чиққанимдан хурсандман ва мен ўзимни жуда яхши ҳис қилмоқдаман. Ярим финал учрашуви олдидан асабий эдим, ҳозир эса ундай эмас. Симона Халепга қарши кортга чиқиш олдидан ҳеч қандай босим остида эмасман. Менда ҳам унда ҳам “Катта дубулға”нинг совринлари йўқ, шундай эмасми? Биз фақат шу учун шуғулланамиз.
Биз фаолиятимизда фақатгина “Катта дубулға”ни қўлга киритиш учун ўйнаймиз. Мен охиригача курашаман. Жисмоний ҳолатим яхшиланаётганидан фахрланаман. Чидамлилигим сабаб сўнгги учрашувларда ғалаба қозонмоқдаман ва учинчи сетга қадар кечадиган ўйинлардан қўрқмайман. Мен курашга тайёрман.
Мен, доимо, финалга ҳар бир учрашув каби тайёрланаман. Мен мағлуб бўлган тақдиримда ҳам ҳеч нарса йўқотмайман. Нима бўлса ҳам менинг оилам ҳамиша ёнимда бўлади”, - дейди Каролин.
Фикрлар