Альберт Рамос-Виньолас Гштаадда тенгсиз эканини исботлади

Испаниялик теннисчи Альберт Рамос-Виньолас Швейцариянинг Гштаад шаҳрида ўтказилган мусобақанинг бош совринини қўлга киритди.

Рамос турнирнинг финал учрашувида германиялик Седрик-Марсель Штебега қарши кортга чиқиб, якунида рақибидан 6:3, 6:2 ҳисобида устун келди.

Мазкур ғалаба Рамосга 90,390 АҚШ доллари пул мукофоти ҳамда 250 рейтинг очкосини келтирди.