Bellator reytingi etakchisi navbatdagi jangini kim bilan o‘tkazmoqchi?

 P4P Bellator reytingi etakchisi Vadim Nemkov navbatdagi jangini kim bilan o‘tkazishni hohlashi haqida gapirdi.

“Afsuski, Ivan Shtyrkov bilan bo‘lgan jangimiz bir necha marta buzildi. Yo menda jarohat bor bo‘lib qoldi yoki u qandaydir muammolarga duch keldi. Albatta, Rossiyada shu qadar mashhur bo‘lgan bunday raqib bilan jang qilish men uchun qiziq bo‘lardi. Shuningdek, braziliyalik Klidson Abreu bilan uchrashish ham men uchun juda qiziq. Men revansh jangini o‘tkazib, o‘zimni tiklamoqchiman. Agar shunday imkoniyat yuzaga kelsa, men bundan xursand bo‘lardim", - deya Nemkov so‘zlarini keltiradi Metaratings.

Eslatib o‘tamiz, 2023 yilda "Bellator 297" turnirida bo‘lib o‘tgan so‘nggi jangida Vadim Kuba vakili Yoel Romeroga qarshi jang o‘tkazib, hakamlarning yakdil qarori bilan g‘alaba qozongandi.