Ҳабиб Нурмагомедов: Ўзбекистон ғалабага жуда оч, етакчиси - Ҳусанов!

UFC афсонаси Ҳабиб Нурмагомедов 2026 йилги жаҳон чемпионати ғолибини башорат қилди ва мундиалда дебют қилаётган терма жамоалар орасида ўзининг учта асосий фаворити қаторига Ўзбекистон терма жамоасини ҳам киритди. 

— Сизнингча, жаҳон чемпиони ким бўлади?
— Биринчи навбатда — немислар. Уларнинг мухлиси эмасман, лекин барибир биринчи ўринга Германияни қўяман. Иккинчи ўринда Нидерландия бўлади, деб ўйлайман. Учинчи поғонага эса Испанияни қўярдим.

— Энг яхши тўпурар ким бўлиши мумкин?
— Келинг, беш нафар номзод айтаман: Килиан Мбаппе, Лаутаро Мартинес, Винисиус Жуниор, Жоау Феликс ва, албатта, Ҳарри Кейнни ҳам қўшиш мумкин.

— Жаҳон чемпионатига илк бор чиққан қайси терма жамоага алоҳида мухлислик қиляпсиз?
 — Албатта, Ўзбекистонга! Жамоанинг етакчиси — Абдуқодир Ҳусанов. Умуман олганда, бу жамоа жуда “оч”, ўзини кўрсатиш истаги кучли. Менимча, камида гуруҳдан чиқишлари керак. Шунингдек, Кюрасао термасини ҳам танлаймиз. Улар ҳам, назаримда, биринчи марта иштирок этяпти. Уларни шартли равишда “мини-Нидерландия” деб аташ мумкин.

— Катта фаворитлардан қайси бири бу жаҳон чемпионатида кутилмаган тарзда омадсизликка учраши мумкин?
— Менимча, Франция шундай жамоа бўлиши эҳтимоли бор. Нима учун? Чунки уларнинг кўплаб етакчи футболчилари ортида жуда оғир мавсум қолди. Жуда оғир, тинимсиз мавсум бўлди. Футболдан “тўйган”, чарчаган, жисмонан ҳам, руҳан ҳам дам олишга муҳтож. Чемпионатга “оч” ҳолда келмаслиги аниқ. Шунингдек, Бразилия ҳам мухлисларни хайратда қолдирмаслиги, аксинча, кўнгилларини қолдириши мумкин, деб ўйлайман.

— Ўзингиз шахсан кимларга мухлислик қиласиз? Учта севимли жамоангизни айта оласизми?
— Ўзбекистон, Туркия, Марокаш.

— Ўзингиз жаҳон чемпионати ўйинларига борасизми?
— Қизиқ савол. Менда барча ўйинларга таклиф бор. Ўйлайманки, ярим финаллар, финал... ярим финал ва финалга боришим эҳтимолдан холи эмас.

Жорий жаҳон чемпионати 11 июндан 19 июлгача АҚШ, Мексика ва Канада стадионларида ўтказилмоқда. Бу тарихда илк бор 48 та терма жамоа (аввалги 32 та ўрнига) иштирок этаётган кенгайтирилган форматдаги мусобақа ҳисобланади. Жамоалар 12 та гуруҳга ажратилган. Ҳар бир гуруҳдан иккита энг яхши жамоа, шунингдек, учинчи ўринни эгаллаган термалар орасидан энг яхши саккизта жамоа плей-офф босқичига йўл олади.

Фабио Каннаваро бошчилигидаги Ўзбекистон терма жамоаси мундиалдаги илк учрашувини Колумбияга қарши ўтказди. Дебют баҳси ўзбекистонликлар мағлубияти билан якунланди — 1:3 ҳисоб қайд этилди.

Ҳусанов мундиалнинг қимматбаҳо рейтингдан жой олди

Қозоқлар бу сенсацияни Ҳусановнинг “Сити”га ўтишидан аввал эълон қилмоқчи эди!

Ноёб ҳодиса: Файзуллаев жаҳон чемпионатлари рекордини ўрнатди

Машҳур агент Португалия Ўзбекистонни енгишига ишонмаяпти!

Испанияда порлаган юлдуз: Ҳеч ким ўзбекларни қаттиқ танқид қилмайди, улар ўйиндан завқ олсин!

Ўзбекистоннинг мағлубиятдан кейинги иши мексикаликларни ҳайратга солди