Қозоқлар бу сенсацияни Ҳусановнинг “Сити”га ўтишидан аввал эълон қилмоқчи эди!

Марказий Осиё футболини жуда яхши биладиган россиялик футбол агенти Герман Ткаченко қозоғистонлик истеъдод Дастан Сатпаев ва ўзбекистонлик юлдуз Абдуқодир Ҳусанов рақобати ҳақида гапирди.

Унинг таъкидлашича, қозоғистонликлар  Сатпаевнинг “Челси”га трансфери ҳақидаги эълонни Ўзбекистон терма жамоаси ҳимоячиси Абдуқодир Ҳусановнинг “Манчестер Сити”га ўтишидан олдинроқ эълон қилишни хоҳлаган экан.

- Улар учун бундай рақобат бор. Менинг кўрганим шуки, улар Дастан Сатпаев трансферини Ҳусановникидан олдинроқ эълон қилишни исташган.

Аммо бу сунъий равишда ташкил қилинган битим эмас. Бу ҳақиқатан ҳам катта муваффақият. Мени бу жараёнда иштирок этишимга имкон берган “Қайрат” клубидан миннатдорман, - деди Герман Ткаченко.

“Қайрат” тарбияланувчиси ҳисобланган Дастан Сатпаевни Лондоннинг “Челси” клуби 2025 йилнинг февралида трансфер қилгани ҳақида хабарлар тарқатилган. Бироқ қозоқ футболчиси 18 ёшга тўлгунга қадар “Қайрат” жамоасида тўп тепиб туриши келишилган.

Расман Дастан Сатпаев 2026 йил 12 август куни 18 ёшга тўлиб вояга етгач, “Челси” футболчисига айланади. Экспертларнинг таъкидлашича, Дастан Сатпаев аввал “Челси”нинг ёшлар жамоасида тажриба ошириши кутилмоқда.

Абдуқодир Ҳусановнинг “Манчестер Сити”га трансфери эса, Дастан Сатпаев “Челси” билан ҳамкорлик ўртатишидан бир неча кун аввал расмийлаштирилди. 2025 йилнинг 20 январь куни “шаҳарликлар” Франция чемпионатида иштирок этаётган “Ланс” ҳисобига 40 миллион евро тўлаб, ўзбек футболчисининг трансферини биттада ҳал қилди.

Айни пайтда 22 ёшли Ҳусанов “Манчестер Сити” ҳимоя чизиғининг асосий фигураларидан бирига айланган.

Якунланган мавсумда Абдуқодир Англия Премьер-лигаси, мамлакат кубоги, Лига кубоги ва Европа Чемпионлар лигасида жами 37 та учрашувда иштирок этди. Англия кубоги ва Англия лигаси кубоги соҳиби бўлган Ҳусановнинг transfermarkt порталидаги қиймати мавсум якуни бўйича 50 миллион еврога кўтарилди.

Ҳабиб Нурмагомедов: Ўзбекистон ғалабага жуда оч, етакчиси - Ҳусанов!

Ноёб ҳодиса: Файзуллаев жаҳон чемпионатлари рекордини ўрнатди

Машҳур агент Португалия Ўзбекистонни енгишига ишонмаяпти!

Испанияда порлаган юлдуз: Ҳеч ким ўзбекларни қаттиқ танқид қилмайди, улар ўйиндан завқ олсин!

Ўзбекистоннинг мағлубиятдан кейинги иши мексикаликларни ҳайратга солди