Ҳусанов мундиалнинг қимматбаҳо рейтингдан жой олди
TransferRoom платформаси 2026 йилги жаҳон чемпионатида иштирок этаётган футболчилар орасидан ташкилот-ҳисоб китоби бўйича энг қиммат трансфер суммасига эга бўлган марказий ҳимоячилар рейтингини тузди.
Ўзбекистон миллий терма жамоаси ҳимоячиси Абдуқодир Ҳусанов 2026 йилги футбол бўйича жаҳон чемпионати иштирокчилари орасидаги энг қиммат марказий ҳимоячилар рейтингида бешинчи ўринни эгаллади.
“Манчестер Сити”дан терма жамоага чақиртирилган 22 ёшли ҳимоячининг TransferRoom платформасидаги айни пайтдаги бозор қиймати 62,2 миллион еврони ташкил қилади.
Ушбу рейтингда мундиалда Испания терма жамоаси шарафини ҳимоя қилаётан 118 миллион еврога баҳоланган “Барселона”нинг 19 ёшли ҳимоячиси Пау Кубарси биринчи ўринни эгаллаб турибди.
Иккинчи ўринда Англия чемпиони “Арсенал”да ўйнаётган Франция терма жамоаси ҳимоячиси Вильям Салиба жойлашган бўлиб, унинг трансфер қиймати 90,5 миллион еврога баҳоланган.
Кучли учликни “Манчестер Сити” ва Англия терма жамоаси ҳимоячиси Марк Гехи якунлади. Унинг бозор қиймати 84,6 миллион еврони ташкил этади.
2026 йилги жаҳон чемпионатининг энг қиммат 10 нафар марказий ҳимоячиси рейтинги қуйидагича кўриниш олди:
1. Пау Кубарси (Испания), “Барселона” — 118 млн евро
2. Вильям Салиба (Франция), “Арсенал” — 90,5 млн евро
3. Марк Гехи (Англия), “Манчестер Сити” — 84,6 млн евро
4. Виллиан Пачо (Эквадор), ПСЖ — 69,5 млн евро
5. Абдуқодир Ҳусанов (Ўзбекистон), “Манчестер Сити” — 62,2 млн евро
6. Лука Вушкович (Хорватия), “Тоттенхэм” — 59,8 млн евро
7. Рубен Диаш (Португалия), “Манчестер Сити” — 57,7 млн евро
8. Габриэл Магаляйнс (Бразилия), “Арсенал” — 56,8 млн евро
9. Дайо Упамекано (Франция), “Бавария” — 56,1 млн евро
10. Эрик Гарсия (Испания), “Барселона” — 55 млн евро
Эслатиб ўтамиз, Ўзбекистон миллий терма жамоаси ўз тарихида илк бор футбол бўйича жаҳон чемпионатининг финал босқичига йўлланма олди. Жамоа “K” гуруҳидаги биринчи учрашувида Колумбияга 1:3 ҳисобида ютқазди. Қолган икки ўйинда Португалия ва Конго Демокрактик Республикаси терма жамоалари билан куч синашади.
Ҳабиб Нурмагомедов: Ўзбекистон ғалабага жуда оч, етакчиси - Ҳусанов!
Қозоқлар бу сенсацияни Ҳусановнинг “Сити”га ўтишидан аввал эълон қилмоқчи эди!
Ноёб ҳодиса: Файзуллаев жаҳон чемпионатлари рекордини ўрнатди
Фикрлар