Ўзбекистон терма жамоаси дарвозабони энг яхши деб топилди

Футзал бўйича Ўзбекистон миллий терма жамоаси Хорватияда бўлиб ўтган “UMAG Futsal Nations Cup 2022” турнирида ёрқин ўйинлар намойиш этди. Хусусан, Францияга қарши кечган баҳсда футзалчиларимиз рақибларга қарши муносиб ўйин кўрсата олди. Шунингдек, кеча ўтказилган Черногорияга қарши ўйинда йирик ҳисобда ғалаба қозонди.

Кеча мазкур кичик турнирнинг энг яхшилари тақдирланди. ЎФА матбуот хизматининг хабар беришича, терма жамоамиз дарвозабони Рустам Умаров мусобақанинг “Энг яхши дарвозабони” деб топилди.