“Реал” манчестерликлар ёш юлдузини нишонга олди

“Реал” ёш талантларни ўз сафига қўшиш бўйича стратегиясини давом эттирмоқда. Мадридликлар ёзда жамлага “Манчестер Юнайтед” ярим ҳимоячиси Кобби Майнуни олиб келмоқчи. 

Гарчи ярим ҳимоя чизиғини кучайтириш “Реал” учун айни пайтда долзарб бўлмаса-да, 19 ёшли инглиз футболчисининг потенциали уни келажакдаги лойиҳалар учун жозибали мақсадга айлантиради.

Майнунинг “Манчестер Юнайтед” таклиф қилган янги шартномани қабул қилмагани Мадрид клуби учун трансфер бўйича янги имкониятлар яратиши мумкин.

“Қироллик клуби”нинг ёшларга эътибор қаратиши трансфер сиёсатининг муҳим йўналишидир. Мадридликлар сўнгги йилларда сармоя киритиб, Винисиус Жуниор, Родриго, Федерико Вальверде ва Эдуардо Камавинга  сингари ўйинчиларни ўз сафига қўшиб олган. Вақт ўтиши билан уларнинг ҳар бири қимматбаҳо футболчилар даражасига кўтарилди.