"Реал" Роналдуга ёрдамга зўр тўпурар олиб келмоқда

 
 
Зинедин Зидан бошқараётган "Реал" жамоаси таркибини янада кучайтирмоқчи. Криштиану Роналду бошчилигида Мадрид клуби ҳужумкор ўйин кўрсатаётган бўлса-да, клуб раҳбарияти янги тўпурар қидириб топди.
 
"Реал" ёзги трансферлар мавсумида "Порту" тўпурари Андре Силвани олиб келадиган бўлди. Айни пайтда томонлар музокара олиб бормоқда ва маълумотларга қараганда, трансфер бўйича дастлабки келишувга эришилди. "Реал" 21 ёшли футболчи учун 58 миллион евро тўлайдиган бўлди.
 
 
Андре Силва Португалия чемпионатида 15 та учрашувда 10 та гол уриб пешқадамлик қилмоқда. Ушбу футболчига "Арсенал" ҳам қизиқиш билдирмоқда.
 
SPORTS.uz

Фикрлар

Фикр қолдириш учун авторизациядан ўтинг!