"UFC Fight Night" турнирида ўзбекистонлик жангчи ҳам октагонга кўтарилади. Тўлиқ жуфтликлар билан танишинг!

22 август куни АҚШнинг Невада штати Лас-Вегас шаҳри "UFC Fight Night" турнирига мезбонлик қилади. Мазкур жанг кечасининг асосий тўқнашуви ўрта вазн тоифасининг юлдузлари Келвин Гастелум ҳамда дивизион рейтингида 3-поғонани эгаллаб турган Жаред Кэннонир ўртасида бўлиб ўтади. 

Биз учун аҳамиятли жиҳати, ушбу кечада ўзбекистонлик жангчи ҳам октагонга кўтарилади. Аниқроқ қилиб айтадиган бўлсак, жаҳоннинг энг нуфузли промоушенидаги тўртинчи ўзбекистонлик бўлиб, шартнома имзолаган Саидёқуб Қаҳрамонов ярим енгил вазн тоифасида Тревин Жонс билан жанг қилади. 

Ҳамюртимиз фаолиятини океан ортида олиб борга ҳолда, бир қатор промоушенларда ўз жангларини ўтказиб келган. У PFL промоушенида Умар Нурмагомедов билан ҳам ўзаро жанг олиб борган ва очколар ҳисобида имкониятни бой бериб қўйганди. Кейинчалик бир қатор муваффақиятларга эришганлиги эвазига UFC билан шартнома имзолашга муваффақ бўлди. 

Албатта, Қаҳрамоновга ҳам ушбу жанг оз муддат қолганда таклиф қилинди. Яъни, ҳолат Зарруҳ Адашев ва Лилия Шакированики каби кўриниш олди. Шундай бўлса-да, биз юртдошимизнинг дебют жанги омадли чиқишига ишонамиз ва унга омад тилаймиз. 

Шунингдек, ушбу турнирда яна бир қатор қизиқарли ўтиши кутилаётган жанглар ўрин олган. Қуйида жуфтликларни эътиборингизга ҳавола этамиз. 

Рузвельт Робертс (АҚШ) - Игнасио Багамондес (Чили),

Би Малецки (Швеция) - Жозиан Нунесь(Бразилия),

Уильям Найт (АҚШ) - Фабио Чернат (АҚШ),

Рамиз Брахимадж (АҚШ) - Саша Палатников (Гонконг),

Брайан келлехер (АҚШ) - Доминго Пиларте (АҚШ),

Луис Сальдана (АҚШ) - Остин Линго (АҚШ),

Александро Пантоя (Бразилия) - Брендон Ройвел (АҚШ),

Тревин Жонс (Гуам) - Саидёқуб Қаҳрамонов (Ўзбекистон),

Винс Пичель (АҚШ) - Остин Хаббард (АҚШ),

Клей Гуида (АҚШ) - Марк Овергаард Мэдсен (Дания),

Чейс Шерман (АҚШ) - Паркер Портер (АҚШ),

Жаред Кэннонир (АҚШ) - Келвин Гастелум (АҚШ).