“Манчестер Сити” Ҳусановни қўйиб юборадими?

Абдуқодир Ҳусанов “Манчестер Сити”даги юқори даражали ўйинлари туфайли Англия Премьер-лигаси жамоалари  учун жозибадор футболчига айлангани сир эмас.

Европа манбалари 22 ёшли ўзбек футболчисига жаҳон футболининг энг мураккаб лигаси ҳисобланган Англия чемпионатининг юқори дивизионидан бир неча нуфузли жамоалар қизиқиш билдираётганини тасдиқлади.

Ҳусановни январь ойидаёқ трансфер қилишга тайёргарлик кўраётган “Челси” ҳимоячи чизиғи бошқарувини айнан шу футболчига узоқ муддатга топширишни режалаштирмоқда. Англия Премьер-лигада ўзининг юқори салоҳиятини аллақачон намойиш этган марказий ҳимоячининг “Челси” учун жозибадор томонлари тушунарли. Айниқса, кўп гол ўтказиб юбораётган ва ҳимоя марказида атлетик футболчилар етишмаётган жамоа учун Ҳусановнинг сифатлари фойдали бўлиши мумкин.

Бундан ташқари, Ҳусановга даъвогарлик қилаётган клублар орасида "Астон Вилла", "Эвертон" ва "Борнмут" ҳам борлигини нуфузли манбалар томонидан тасдиқланган. Экспертларнинг таъкидлашича, бу рўйхат қишгача яна кенгайиши мумкин.  

Албатта, “Манчестер Сити” нима учун бундай футболчини қўйиб юборишни исташи мумкинлиги бутунлай бошқа масала. Хўш, “шаҳарликлар” бир неча позицияда ўйнай оладиган ва жуда катта тезликка эга универсал ҳимоячисини қўйиб юборадими?

Экспертларнинг таъкидлашича, Абдуқодир Ҳусановни “Манчестер Сити”дан олиб кетиш осон бўлмайди. Ўзбекистонлик футболчи жорий мавсумда Энцо Марески жамоасининг асосий таркибида мустаҳкам ўрин эгаллаб улгурди ва клуб унга жуда юқори баҳо бераётган бир пайтда футболчидан воз кечиш нияти борлигини кўрсатувчи ҳеч қандай белги ёки ишора йўқ.

Клубнинг спорт директори Уго Виана яқинда матбуот хизматига берган интервьюсида “Манчестер Сити”нинг Ҳусановга муносабатини яна бир бор тасдиқлади. У ўзбек футболчиси келажакда замонавий футболнинг энг яхши ҳимоячиларидан бирига айланишини таъкидлади.

- Абдуқодир  ҳали ҳам ривожланишда давом этмоқда, ўрганиши керак бўлган жиҳатлар бор. Биз унинг дунёнинг энг яхши марказий ҳимоячиларидан бирига айланишига ишонамиз, - деди Уго Виана.

Клуб раҳбарияти Ҳусановга бундай даражада ишонч билдираётган бир пайтда уни мавсум ўртасида тўғридан-тўғри рақибга сотиш режаларнинг кутилмаган тарзда ўзгариши бўлар эди.

Агар келажакда Абдуқодир Ҳусановнинг ривожланиши секинлашса ёки унинг ўйин амалиёти камайса, вазият ўзгариши мумкин. Аммо ҳозирча ҳимоячи мунтазам ўйнаётгани ва “Манчестер Сити” раҳбарияти уни юқори баҳолаётгани инобатга олинса, клуб ўзининг катта умид боғлаётган футболчисини сақлаб қолиш учун барча асосларга эга.

Ҳусановнинг "Челси"га трансфери ўзбек клубини банкротликдан қутқариши айтилди

"Манчестер Сити" Ҳусановнинг яширин сифатини топди

Ҳусановнинг "Челси"га трансфери ўзбек клубини банкротликдан қутқариши айтилди

“Манчестер Сити” Шомуродовнинг голига муносабат билдирди

Эронликлар Ўзбекистон ва Каннаваро ишидан ҳайратда!

Шомуродов кўп терма жамоалар қилолмаган ишни уддалади