100 миллион евролик футболчи қайси жамоада ўйнашини айтди

“Реал” шарафини ҳимоя қилаётган моҳир ярим ҳимоячи Федерико Фальверде бир неча гранд клублар нишонида турибди.

Яқинда “Ливерпуль” жамоаси ёзги трансферлар вақтида 24 ёшли уругвайлик футболчи учун 100 миллион евро таклиф қилиб, мадридликлардан рад жавобини олгани ҳақида маълумотлар тарқатилган эди.

Майдон маркази ва ўнг қанотда ўйнай оладиган бу ижрочи ўзига бўлаётган қизиқишларга жавоб қайтарди. Федерико келажагини “Қироллик клуби” билан боғлагани ва яқин ўртада жамоасини алмаштириш режаси йўқлигини билдирди.

Мадридликлар билан амалдаги шартномаси 2027 йилнинг ярмигача давом этадиган  Вальверде жорий мавсумда барча турнирларда саккиз маротаба майдонга тушиб, учта гол ва иккита ассист муаллифи бўлди.