100 та голга 100 та тўп

"Аякс" 100 та гол урган Тадич мактабига 100 та тўп совға қилди. Ҳужумчи Душан Тадич "Спарта" Роттердамга қарши баҳсда "Аякс" либосида ўзининг 100-голини урди.

Шу муносабат билан Амстердам клуби Сербиянинг Баска Топола шаҳридаги Тадич бошланғич мактабига 100 та футбол тўпини совға қилди. Бу ҳақда клуб матбуот хизмати хабар берди.

Тадич 2018 йилнинг ёзида Англиянинг "Саутгемптон" жамоасидан кетганидан сўнг "Аякс"да ўйнамоқда. 100 маротаба дарвозани ишғол қилиш учун сербиялик футболчига 225 та ўйин кифоя қилди.

Айни дамда "Аякс" Нидерландия чемпионати турнир жадвалида пешқадам "Фейеноорд"дан 3 очкога ортда қолган ҳолда иккинчи ўринда бормоқда.