130 йиллик кураш энди самара бермоқда

Англиядаги “Уиком Уондерерс” жамоаси 133 йиллик тарихи давомида илк маротаба Чемпионшипга йўлланма олди.

Хай-Уиком шаҳри шарафини ҳимоя қилаётган жамоа “Уэмбли” стадионида ўтказилган плей-офф босқичининг финал учрашувида “Оксфорд Юнатед” футболчиларини 2:1 ҳисобида мағлубиятга учратди.  

Энди “Уиком Уондерерс” футболчилари келаси мавсумда Чемпионшипда АПЛ йўлланмасини қўлга киритиш учун курашади.

“Уиком Уондерерс” 1887 йилда ташкил этилган. Жамоа тўп сурадиган “Адамс Парк” стадиони 9,5 минг мухлисни сиғдира олади.