15 йили ичида футболдаги қариялар қандай ўзгариб кетди? Жирковдан Златангача?!

Златан Ибраҳимович терма жамоага қайтди ва Грузияга қарши ўйинда иштирок этди. Шу тариқа, Ибра ЖЧ саралашларида иштирок этган энг ёши катта футболчилар рўйхатида иккинчи поғонага кўтарилди. Россия терма жамоасидаги ўйинлари билан яхши таниш бўлган Юри Жирков бу рўйхатда 7-поғонани эгаллаган. Бугун фаолиятини ҳали-бери тугатмоқчи бўлмаган футболчилар ҳақида сўз боради.

Павел Погребнияк 37 ёш

15 йил аввал: 2006 йилда «Том» сафида 13 та гол киритгач, терма жамоадан чақирув олди. 2007 йилда эса, уни «Зенит» ўз сафига қўшиб олди.

Нималарга эришди: Россия чемпионлиги, Россия кубоги, УЕФА ва УЕФА суперкубоги соҳибига айланди. «Зенит»даги саргузаштлари якунлангач, ҳужумчи Германияга йўл олди. Кейин Бундеслигани АПЛга алмаштирди. Фаолияти давомида «Фулхэм», «Рединг» ва «Штутгарт» сингари жамоаларда тўп сурган. 2015 йилда Россияга қайтди ва «Динамо» билан ФНЛ да ғалаба қозонди. Кейинроқ «Тосно» билан  Россия кубогида зафар қучди.

Ҳозир қаерда: «Урал» аъзоси саналади. 11 ўйинда 1 гол киритган.

pavel pogrebnyak

Бранислав Иванович

15 йил аввал: «Локомотив» жамоасига ўтди

Нималарга эришди: Браниславнинг фаолияти ажойиб. Унинг йўналиши - Сербия – «Локомотив» – «Челси» – «Зенит» – «Вест Бромвич». У ўзининг илк совринини Россиянинг «Локомотив» жамоасида қўлга киритган. Россия кубогида зафар қучган йигит кейинроқ «Челси» билан ЕЧЛ ва АПЛда ғалаба қозонди. Россияга қайтгач, ички биринчиликдаги барча совринларни ўзиники қилиб олди.

Ҳозир қаерда: «Вест Бромвич» аъзоси. Жорий мавсумда кетма-кет 14 ўйинда иштирок этди.

branislav-ivanovich-stal-igrokom-vest-bromvicha_1600184636560209760

Франк Рибери:

15 йил аввал: «Марсель»нинг 2006 йилдаги ЖЧдан сўнг энг қиммат футболчиси эди.

Нималарга эришди: «Марсель» ва «Галатасарай» сафида совринларни қўлга киритди. «Бавария» таркибида афсонага айланди. 12 йил давомида Мюнхен жамоаси билан 24 совринга эга чиқди. 2006 йилги ЖЧ финалига қадар етиб келди.

Ҳозир қаерда: «Фиорентина» сафида асосий таркиб учун кураш олиб бормоқда.

ribery

Горан Пандев

15 йил аввал: «Лацио» сафида 11 гол киритди ва илк бор Македонияда йил футболчиси деб эътироф этилди.

Нималарга эришди: Фаолиятини деярли Италия клубларида ўтказди. «Интер» билан мамлакат чемпионлиги ва ЕЧЛда зафар қучди. Италия кубоги ва клублар ўртасидаги ЖЧда ғалаба қозонди. У Италиянинг 3 клуби билан Италия кубогида зафар қучган кам сонли футболчилар сирасига киради.

Ҳозир қаерда: Ҳамюртимиз Элдор Шомуродов билан «Женоа»да бирга тўп сурмоқда.

pandev

Клаудио Браво

15 йил аввал: Аргентинани тарк этиб, «Реал Сосьедад» билан 5 йиллик шартнома имзолади.

Нималарга эришди: Қисқа фурсат ичида «Барселона» ва «Манчестер Сити» дарвозасини ҳимоя қилиш даражасига кўтарилди. Испания ва Англия чемпионлигини қўлга киритди. Европа чемпионлар лигасида зафар қучди. Шунингдек, икки карра «Копа Америка»да олтин медалларига эга чиққан.

Ҳозир қаерда: «Бетис»да муваффақиятли фаолият олиб бормоқда.

claudio bravo

Клас-Ян Хунтелар

15 йил аввал: 2006 йилнинг январь ойида «Аякс» билан шартнома имзолади.

Нималарга эришди: Нидерландия футболи афсонасига айланди. «Аякс» билан ички биринчиликдаги 9 совринда ғалаба қозонди. Амстердамни тарк этгач, «Реал» сафига ўтди. Кейинроқ, «Милан»да ҳаракат қилганига қарамай, асосийси совринларини «Шальке» билан қўлга киритди. Немис жамоаси таркибида Германия кубоги ва суперкубогида ғолиб бўлди.

huntelaar

Вилли Кабальеро

15 йил аввал: Ватанига қайтди ва Сарандининг «Арсенал» жамоаси билан шартнома имзолади

Нималарга эришди: Аргентина чемпиони бўлди. «Эльче»да 7 йил, «Малага»да 3 йил тўп сурди. 2014 йилда «Манчестер Сити» таклиф қилган шартномага имзо чекди. Жамоа сафида Англия лига кубогида зафар қучди.

Ҳозир қаерда: 2017 йилдан бери «Челси» шарафини ҳимоя қилмоқда. Аргентиналик посбон «аристократлар» билан Европа Лигаси ва Англия кубогида зафар қучди.

caballero

Бруно Алвеш

15 йил аввал: «Порту» билан Португалия чемпионлигини қўлга киритди.

Нималарга эришди: Фаолияти давомида 6 мамлакат биринчилигида тўп сурди. Португалия, Греция, Россия, Туркия, Италия ва Шотландия фаолият олиб борди.

Ҳозир қаерда: Италиянинг «Парма» клуби сардори.

bruno alves

Златан Ибраҳимович

15 йил аввал: «Ювентус»дан «Интер»га ўтди.

Нималарга эришди: Ўз номини футбол тарихига ўчмас ҳарфлар билан ёздириб қўйди. У ЕЧЛдан бошқа деярли барча совринларни ўзиники қилиб олди. Англия, Испания, Италия ва Франция биринчилигида фантастик голлар киритди.  Роналду ва Мессининг даврида туғилмаганида, камида 3 та «олтин тўп»га эга чиққан бўлар эди.

Ҳозир қаерда: «Милан» аъзоси ва 15 ўйинда 15 гол киритган.

zlatan

Жанлуижи Буффон

15 йил аввал: Италия билан ЖЧда ғалаба қозонди. «Ювентус» билан фаолиятида 4-бор мамлакат чемпионлигини тантана қилди.

Нималарга эришди: ЖЧ ғолибига айланди, 10 карра Италия чемпиони сифатида тарихга кирди. ПСЖ сафида Франция чемпиони ва суперкубок эгасига айланди. У «Ювентус»нинг барча замонлардаги энг яхши дарвозабони саналади.

Ҳозир қаерда: Яна «Ювентус»га қайтди, аммо асосий вазифаси кийиниш хонасидаги атмосферани яхшилаш.

gianluigi-buffon

Матнда хатолик топсангиз, ўша хатони белгилаб, бизга жўнатинг (Ctrl + Enter)