Даҳшат! Трамп жаҳон чемпионатидан қанча даромад олинганини айтди

2026 йилги жаҳон чемпионати АҚШ иқтисодиётига 18 миллиард доллардан ортиқ даромад келтирган. Бу ҳақда мамлакат президенти Дональд Трамп маълум қилди.

Футбол бўйича жаҳон чемпионати 2026 йил 11 июндан 19 июлга қадар АҚШ, Канада ва Мексика ҳудудида ўтказилди. Мусобақа ўйинларини АҚШнинг 11 та шаҳри қабул қилди.

«Бу ёз Америка сайёҳлари учун ҳақиқатан ҳам ўзига хос бўлди. Америкаликлар жами қарийб 300 миллиард мил йўл босишди. Миллий боғларимиз 78 миллион меҳмонни қабул қилди.

Футбол бўйича жаҳон чемпионати иқтисодиётимизга 18 миллиард доллардан ортиқ фойда келтирди, шу орқали 160 мингдан зиёд иш ўрни яратилди.

Саёҳат ва туризм янги иш ўринлари, сармоялар ва миллиардлаб долларлик тушумни таъминлайди, бу маблағлар америкалик тадбиркорлар ва маҳаллий жамоаларга етиб боради.

Биз ортиқча бюрократик тўсиқларни қисқартиряпмиз, ҳаво қатнови тизимини янгилаяпмиз, АҚШга келиб-кетиш ва бу ерда бизнес юритиш жараёнини енгиллаштиряпмиз.

Америка бизнес учун очиқ – энг яхши натижалар ҳали олдинда!» – дея таъкидлади Дональд Трамп.

Шу билан бирга, Жанни Инфантинонинг ҳаракатлари нега жаҳон жамоатчилигида шунчалик катта норозилик уйғотгани, гарчи у ФИФА молиявий кўрсаткичларини кескин оширишга эришган бўлса-да, ҳануз муҳокама қилинмоқда.