17 ёшли юлдуз "Реал"га ўтишни хоҳламоқда, ПСЖга эмас

Аввалроқ хабар қилинишича, Лига 1нинг ПСЖ клуби "Ривер Плейт"нинг 17 ёшли вингери Франко Мастантуоно учун асосий даъвогар ҳисобланган.

"Реал" аввал ҳам Мастантуоно билан қизиққан, аммо футболчи учун 45 миллион евро тўлашни хоҳламаган. Мадридликлар футболчининг атрофидаги инсонлар билан мулоқотни бошлаган.

"The Athletic" маълумотларига кўра, ҳужумчига ПСЖдан кўра "Реал"га трансфер қизиқарлироқ.

Жорий мавсумда Мастантуоно "Ривер Плейт" сафида барча мусобақаларда 19 та ўйин ўтказди, 7 та гол урди ва 4 та голли узатмани амалга оширди, Унинг аргентиналик клуб билан шартномаси 2026 йил ёзигача амал қилади.