20 ёшли теннисчи илк титулини қўлга киритди

Швеция пойтахтида АТР тақвим режасидан ўрин олган навбатдаги мусобақа ўз якунига етди. Эътиборлиси, мусобақа 20 ёшли теннисчи грециялик Стефанос Циципаснинг ғалабаси билан якунланди. 

Мусобақагача жаҳон тасниф жадвалида 16-поғонада турган юнон спорчтиси ҳал қилувчи беллашувда латвиялик Эрнест Гулбисни 2 сетда бир хил 6:4 ҳисобларида доғда қолдирди. Статистикага эътибор қаратадиган бўлсак, Циципас бутун турнир давомида бирор сетни бой бермаган. Роппа-роса 1 йил муқаддам эса жаҳон рейтингида ТОП-120 таликда ҳам бўлмаган.