200 миллион, 4 футболчи ва Чемпионлар Лигасида зўр қатнашамиз!

Англия Премьер-лигасини бешинчи ўринда якунлаб, келаси мавсум Европа Чемпионлар лигасида қатнашиш ҳуқуқини қўлга киритган “Ньюкасл Юнайтед” ёзда таркибини жиддий тарзда кучайтирадиган бўлди.

Клуб хўжайинлари катта лойиҳани амалга ошириш учун янги ижрочиларни олишга 200 миллион евродан ошиқроқ маблағ йўналишга қарор қилди.

Нишондаги футболчилар рўйхати қуйидагича кўриниш олди.

Родриго Гоэс:

Бу сумманинг қарийб ярми “Реал”дан Родриго Гоэсни олишга сарфланади. Кейинги пайтда бразилиялик ҳужумчининг жамоадаги аҳамияти пасайган. “Реал” 100 миллион евро атрофидаги таклифни қабул қилиб, Родригони қўйиб юборишга тайёр.

Жоан Гарсия:

“Эспаньол”нинг 24 ёшли дарвозабони қатор клублар нишонади. Бу голкипер учун “Барселона” 25 миллион евро тўлашга тайёрлиги айтилмоқда. “Ньюкасл” бу суммага яна беш миллион евро қўшиб, дарвозабоннинг йўлини Англияга бурмоқчи.

Жон Арамбуру:

“Қарғалар” ҳимояни кучайтириш учун “Реал Сосьедад”дан ўнг қанот ҳимоячиси Жон Арамбуруни сўраяпти. Гарчи футболчининг бадал пули 60 миллион евро экани белгиланган бўлса-да, ньюкаслликлар бу трансферни 40 миллион еврога уддалашга уриняпти.

Ферран Торрес:

“Барселона” вакили Ферран Торрес ҳужумни кучайтириши талаб этилади. “Ньюкасл” испан ҳужумчисини Чемпионлар лигаси юлдузига айлантиришга ҳаракат қилади. “Барселона” бу ўйинчи бўйича “Ньюкасл” таклиф қилаётга 50 миллион еврони қабул қилишга рози.