39 ёшли Ибрагимович Роналдуга яқинлашиб олди
Италия чемпионати 18-турида "Милан" "Кальяри" билан баҳс олиб борди ва меҳмонда ғалаба қозонди.
Ўйиннинг 7-дақиқасида "россонерилар" ҳужумчиси Златан Ибрагимович пенальтини аниқ амалга оширган бўлса, 52-дақиқада ўйиндан гол урди.
Ушбу голлар 39 ёшли форвард учун сўнгги икки ойдаги дастлабкиси бўлди. Швециялик ноябрь ойи бошида олган жароҳати боис узоқ вақт майдонга туша олмади.
Бу орқали Златан А Сериядаги голлари сонини 12 тага етказиб, тўпурарлар баҳсида Ромелу Лукаку ва Чиро Иммобиледан ўтиб кетди ва Криштиану Роналду (15) билан оралиқ масофани 3 тагача қисқартириб олди.
Фикрлар