39 ёшли Модрич футболдан қачон кетишини айтди

“Реал” клуби ва Хорватия терма жамоаси плеймейкери Лука Модрич узоқ йиллардан бери юқори даражада ўйнаб келмоқда. Ўйинчининг ёши ўтиб қолаётгани боис кўпчилик ундан фаолиятини қачон тугатишини сўраётгани табиий ҳол.

39 ёшли ёрим ҳимоячи кетиши ҳақидаги саволларга қуйидагича жавоб берди.

Менинг ёшимда бирор нарсани олдиндан тахмин қилиш ёки айтиш жуда қийин. Нима бўлишини ҳеч ким билмайди.

Ўзим майдонда ўйиндан баҳра олаётганимни ҳис қилсам, сафда бўламан. Агар иштиёқни йўқотганимни сезсам, бирор ким кетишимни айтиши шарт эмас, ўзим тўхтайман.

Саломатлигим ҳар нарсадан устун, қолган ҳамма нарсани ўзим уддалай оламан, - деди Лука Модрич.

Модрич 2018 йили “Олтин тўп” соҳиби бўлган эди.