41 ёшли Буффон "Ювентус" билан шартномасини узайтирмоқчи

Туриннинг "Ювентус" клуби дарвозабони Жанлуижи Буффон “кекса синьора” билан амалдаги шартномасини узайтирмоқчи. Бу ҳақда Calciomercato нашри хабар бермоқда.

Юқоридаги манбаага қараганда 41 ёшли посбон “Юве” билан мавсум сўнггида якунланадиган шартномасини 2021 йилга қадар узайтирмоқчи. Ўз навбатида туринликлар ҳам Буффоннинг жамоада қолишига қарши эмас.

Эслатиб ўтамиз, Буффон бир йиллик танаффусдан сўнг “Ювентус”га эркин агент сифатида қайтиб келган эди. У жорий мавсум 6 та ўйинда майдонга тушди ва шулардан 1 тасида ўз дарвозаси дахлсизлигини сақлаб қолди.