6 июнь куни Ўзбекистон - КХДР учрашуви олдидан матбуот анжумани ўтказилади

Мазкур ўйин олдидан 6 июнь пайшанба куни "Миллий" стадионда икки терма жамоа бош мураббийлари иштирокида матбуот анжумани бўлиб ўтади. Бу ҳақда ЎФА расмий сайти хабар бериб ўтди.

Дастлаб, соат 17:30да меҳмонлар бош мураббийи журналистлар саволларига жавоб беради. Кейин соат 18:00да КХДР терма жамоасининг ўйинолди машғулоти ўтказилади. Соат 18:30да эса Ўзбекистон миллий терма жамоаси бош мураббийи Эктор Купер иштирокидаги матбуот анжумани бошланади. Соат 19:00да эса Ўзбекистон миллий терма жамоасининг машғулоти бўлиб ўтади.

Матбуот анжумани давомида ОАВ ходимларига КХДР ва Сурия терма жамоаларига қарши ўртоқлик ўйинлари учун аккредитациялар тарқатилади.