65 ёшли Анчелотти фаолиятини қачон тугатади?

“Реал”ни катта ютуқларга етаклаган Карло Анчелотти фаолияти қачон якунлаши ҳақидаги саволларга ўз жавобини айтди.

- Мен ўзимни мураббий сифатида ҳали узоқ йиллар ишлай оламан, деб ҳисоблаяпман. Мен ичимдаги ўт сўнмагунича футбол мураббийи бўлиб қолавераман, - деди Карло Анчелотти.

65 ёшли италиялик мутахассиснинг “Қироллик клуби” билан шартномаси 2026 йилнинг ярмигача давом этади.

Европадаги аксарият манбалар Анчелотти Саудия Арабистонида амалга оширилиши кутилаётган катта лойиҳани бошқаришга қизиқаётгани ҳақида ёзмоқда. “Реал” хўжайинлари эса, Карло кетадиган бўлса, ўрнига “Байер”ни чемпион қилган Хаби Алонсони олиб келиш ҳақида бош қотиряпти.