7 та гол киритилган марказий учрашувда "Интер" ғалаба қозонди

Италия А Серияси 2-туридан ўрин олган марказий учрашувлардан бири "Интер" ва "Фиорентина" ўртасида кечди. Қизиқарли ва голларга бой бўлган беллашувда майдон эгалари 4:3 ҳисобида ғалабага эришди.

Эътиборлиси, миланликлар учрашувнинг катта қисмини ҳисобда ортда қолиб ўтказди. Якунда эса, Лукаку ва Дамброзио томонидан киритган кетма-кет голлар жамоага ғалаба келтирди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'
  

  Асосий вақтга 4 дақиқа қўшиб берилди.

• 89'
  

  ГОООООООООООООООООЛЛЛЛЛЛЛЛЛЛЛ!!! Дамброзио яна бир голни флоренцияликлар постига йўллади. Камбек!

• 87'
  

  ГООООООООООООООООЛЛЛЛЛЛЛЛЛЛ!!! Лукаку ҳисобни тенглаштирди. 

• 86'

  Миланликларнинг урунишлари самара бермаяпти.

• 82'

  Санчеснинг узатмасига Видаль йўллаган зарба кучсиз чиқди.

• 80'

  Влахович ажойиб вазиятни кўкка совурди. Зарба ноаниқ.

• 74'
  

  Видаль ва Наинголан майдонга тушмоқда. Барелла ва Брозович захирага олинди.

• 72'
  

  Лукакунинг зарбаси йўналишини дарвозабон бироз ўзгартиришга эришди.

• 69'
  

  Кьеза ўрнига Лирола майдонга тушди.

• 68'

  Лукакунинг зарбаси ноаниқ кетди.

• 65'
  

  Янг ва Эриксен ўрнида Ҳакими ва Сенси майдонга тушди.

• 64'
  

  ГОООООООООООООООЛЛЛЛЛЛЛЛЛЛЛЛ!!! Кьеза Ханданович устидан тўпни ташлаб қўйди.

• 61'
  

  Влаҳович ва Валеро мадонга тушди. Куаме ва Бонавентура захирага олинди.

• 61'

  Перишичнинг жарима майдони марказидан йўллаган зарбаси ноаниқ кетди.

• 57'
  

  ГООООООООООООООООООЛЛЛЛЛЛЛЛЛЛЛ!!! Риберининг супер узатмасидан сўнг Кастровили ҳисобни тенглаштирди.

• 56'

  "Интер" тўп назоратини амалга оширмоқда.

• 52'
  

  ГОООООООООООООООЛЛЛЛЛЛЛЛЛЛЛ!!! Лаутаронинг охиригача кураши жамоасига гол олиб келди. Чеккерини унинг зарбасидан сўнг ўз дарвозасини ишғол қилиб қўйди.

• 48'

  Лукакунинг бош билан берган зарбаси ноаниқ кетди.

• 46'
  

  Иккинчи тайм бошланди.

• 45'
  

  Танаффус.

• 45+'
  

  ГООООООООООООООООЛЛЛЛЛЛЛЛЛЛЛЛЛ!!! Мартинес ҳисобни тенглаштирмоқда. Бош билан берилган зарба аниқ чиқди.

• 45+'
  

  Биринчи бўлимга 2 дақиқа қўшиб берилди.

• 44'

  Янгнинг узатмасидан сўнг Перишич йўллаган зарба ноаниқ кетди.

• 43'
  

  Барелла офсайдда қолиб кетди. Биринчи маротаба эмас.

• 42'

  Янгнинг жарима майдонига узатган навбатдаги тўпини ҳам дарвозага жойлаб қўядиган футболчи топилмади.

• 40'

  Лукакунинг жарима майдонига юриши муваффақиятсиз якунланди.

• 37'

  Янгнинг узатмасини Драговски қайтариб юборди.

• 33'

  Коларовнинг жаримадан йўллаган узатмасини ҳимоячилар қайтаришга эришди.

• 32'

  Лаутарога нисбатан жиддий равишда қоида бузилди. Сариқ карточка керак эмасми?!

• 29'
  

  Эриксен офсайдда қолиб кетди.

• 25'

  Кьеза ҳимояда ҳам ишончли ҳаракат қилди.

• 24'

  Миленковичнинг бош билан берган зарбаси ноаниқ кетди.

• 23'

  Майдон марказида Риберига қарши фол ишлатилди.

• 20'

  Йўқ, ВАР орқали пенальти йўқлиги аниқланди.

• 19'
  

  Касерес ўз жарима майдони ичида қоидани бузди. Пенальти.

• 16'

  Янгнинг узатмасини ҳимоячилар ўтказмади.

• 14'

  Тўп назорати "Интер"да.

• 12'

  Перишичнинг бош билан берган зарбаси ноаниқ кетди.

• 9'

  "Интер" гол ўтказиб юборгач, каттароқ куч билан олдинга боришга мажбур бўлмоқда.

• 6'
  

  Барелла сариқ карточка олди.

• 3'
  

  ГОООООООООООООЛЛЛЛЛЛЛЛЛЛ!!! Куаме ҳисобни очмоқда. 

• 1'
  

  Ўйин бошланди.

• 0'

  Жамоалар майдонга тушиб келишди.

• 0'

  А Серия 2-турининг марказий учрашувларидан бирига хуш келибсиз.

• 0'

  Ассалому алайкум, азиз футбол мухлислари.