АПЛда мўъжиза яратаётган клуб қаҳрамони-Перейра ким ўзи?

Ҳар доим ҳам «Уотфорд»дек камтарона клуб вакилини гранд клублар вакили билан қиёсланавермайди. Бироқ Роберто Перейра айни вақтда МЮнинг барча даврлардаги энг қиммат трансфери Поль Погба билан қиёсланмоқда.

Аргентиналик футболчи «Уотфорд»га катта маблағ эвазига келганида мухлислар бунга бироз ачинишганди. Улар бу футболчи ишончни оқлашига кўзи етмаганди.

13 миллион евро Неймар трансферидан кейин арзимас чақага айланиб қолди. Аммо «Уотфорд» учун бу ҳамон йирик трансфер ҳисобланади.

Хўш, Премьер Лиганинг янги мавсумида мўжизалар кўрсатаётган «Уотфорд» етакчиси Роберто Перейра ким ўзи?

Перейра: узун тарих

Аргентинанинг чекка бир жойида улғайган Перейра ўсмирлик фаолиятини Буэнос-Айрес гиганти «Ривер Плейт»да ўтказди. У у ерда 18 ёшидаёқ дебютини ўтказди. Аргентина клубида ўзини кўрсатган футболчи кейинроқ «Удинезе» вакилига айланди.

Алексис Санчес, Меҳди Бенатия ва Квадво Асамоалар ортидан у ҳам ўртамиёна клубда омадга эришди. У янги жамоаси учун 84 ўйинда 8 гол уришга эришди ва А Серия гранди «Ювентус»нинг назарига тушди.

У аввал «кекса синьора» сафига ижара асосида келиб қўшилди. Кейинроқ 14 миллион евро эвазига тўлиқ «Ювентус» вакилига айланди. Бунга унинг биринчи мавсумдаёқ 52 учрашув ўтказгани ва юқори таассурот қолдиргани сабаб бўлди.

Перейра «Юве»да икки мавсум ўйнади. Унинг иккинчи мавсумдаги фаолиятидан кейин «Уотфорд» рекорд маблағ эвазига ўзига оғдириб олди. Перейра Англияда ҳам ўзини кўрсатди. У «Арсенал»га қарши гол уриб дебютини бошлаганди.

Унинг ёрқин таассурот қолдириши «Уотфорд»нинг собиқ хўжайини Валтерь Мацарри 2016-йилда Погбадан кўра айнан Перейрани асосий таркибда афзал кўришини айтганди.

Унинг Англияга келганидан кейин Премьер Лига ҳавосига тезда мослашиб кетиши ортидан у жамоасининг муҳим футболчисига айланиб улгурди.

Муҳим статистика

Аргентиналик «маэстро» «Уотфорд»нинг янги мавсумдаги тўпурарига айланиб улгурди. У уч ўйинда уч гол уришга эришди.

Перейра «Уотфорд»нинг сўнгги етти голининг барчасида иштирок этган. У шунингдек, дарвоза томон зарба йўллашда ҳам етакчилик кўрсатмоқда. У бу мавсумда ҳар бир ўйинда ўртача 2.7 марта зарба йўлламоқда.

Перейра «Уотфорд»нинг энг муҳим футболчисими?

Тан олиш керак, аргентиналик футболчи янги мавсумни юқори нотада бошлади ва шу сабаб у жамоасининг муҳим футболчисига айланган. Клуб бош мураббийи Хави Гарсия 4-2-2-2 ўйин схемасида ўйнамоқда. Бунда Перейра ярим ҳимоянинг чап қанотида ўрин эгаллаган ва ҳужумга фаол тарзда қўшилмоқда.

Ушбу вазифада у ўзининг энг яхши қобилиятларини намойиш қилмоқда. Перейранинг ярим ҳимоядаги бошқа футболчилар билан тил топишиб кетиши унинг натижаларига ижобий таъсирини ўтказмоқда.

Дукур Ришарлисоннинг ўйинида пасайиш кузатилганидан кейин муҳим фигурага айланиб олган. Бироқ Дукур ва Перейранинг вазифалари бошқа-бошқа. Перейранинг иккинчи ҳужумчи сифатида ўйнаши клубнинг вариантларини янада бойитмоқда. Шу сабабли аргентиналик иқтидор эгаси самарали стартни бошлашга муваффақ бўлди.