АПЛни тарк этган учинчи жамоа номи ҳам маълум бўлди

Бундан бир неча дақиқалар олдин Англия премьер-лигасининг сўнгги 38-тур учрашувлари ўз ниҳоясига етди.

Мавсумнинг сўнгги турида бир оёғи билан Чемпионшипда турган “Суонси” ўз майдонида аллақачон қуйи дивизионга тушиши аниқ бўлиб улгурган “Сток Сити”га (1:2) имкониятни бой бериб қўйди.

Шу тариқа уэльсликлар 33 очко билан жадвалнинг 18-поғонасида қолиб кетишди ва янги мавсумни Чемпионшипда бошлайдиган бўлишди. Эслатиб ўтиш лозимки, “Суонси”дан ташқари шунингдек “Сток Сити” ҳамда “Вест Бромвич” жамоалари ҳам кучлилар сафини тарк этишди.