Agar Bonuchchi ketishni istasa, "Milan" uni ushlab turmaydi

“Milan” klubi himoyachisi Leonardo Bonuchchi bordiyu boshqa jamoaga ketishga qaror qilsa, rahbariyat unga to‘sqinlik qilmaydi.

Football-italia nashri tarqatgan xabarga ko‘ra 31 yoshli italiyalik futbolchiga PSJ hamda “Manchester Siti” klublaridan jiddiy takliflar bo‘lmoqda.

Eslatib o‘tamiz, “rossonerilar”ning xitoylik investori Li Yunxun moliyaviy qiyinchiliklar sabab futbolchilar oldidagi qarzdorliklarni vaqtida bartaraf eta olmagani tufayli klub Elliott Management fondi tasarrufiga o‘tgan edi. AQSh kompaniyasi esa tez orada “Milan”ni yangi xo‘jayiniga sotadi.

Ma’lumot uchun, UEFA moliyaviy feyr-pleyga amal qilmagani uchun “Milan”ni ikki mavsum evrokuboklardan chetlatgan edi.