Агнешка Радваньска жароҳат сабаб фаолиятини якунлаши мумкин

Польшалик Агнешка Радваньска оёғининг кафт қисмидан олган жароҳати боис спортчилик фаолиятини якунлаши мумкинлиги ҳақида тўхталиб ўтди.

"Ҳозирча ҳеч нарса айта олмайман. Мен анчадан буён машғулот қилмай қўйдим, доимо шифокорлар назоратидаман. Бироқ аҳвол оғирлашмоқда.

Меннинг ҳолатимда жарроҳлик амалиёти фойда бермайди. Мен оёқ кийимларсиз ҳам оғриқ сезмоқдаман. Чап оёғимнинг кафти шишиб кетмоқда. Кучли оғриқ тарк этмаяпти, ҳаттоки укол ва оғриқ қолдирувчи дорилар фойда бермаяпди.

Мен кучли мутаҳассистлар билан ишласам-да, танам тузалишни истамаяпти. Шу сабабли ҳам кортга қайтишим қийинлашмоқда. Теннисга қайтганим билан аввалгидек, юқори ўйин кўрсата олмайман. Ҳозирни ёш теннисчилар жуда ҳам кучли", – дейди Агнешка.