Альбина сараланган теннисчини мусобақадан чиқариб юборди
Қозоғистонда теннис бўйича аёллар ўртасида ўтказилаётган халқаро турнирда юртимиз шарафини ҳимоя қилаётган Альбина Хабибулина ажойиб натижа қайд этди.
Мусобақанинг саралаш босқичидан ўтган ҳамюртимизга асосий тўрда кучли - бешинчи рақамда сараланган франциялик Каролин Ромео рўбарў келди. Икки ярим соатдан ошиқ давом этган учрашувининг биринчи сетида европалик теннисчи 6:4 ҳисобида зафар қучди.
Бироқ кейинги партияларда Альбина Хабибулина иродали ўйин намойиш этди. Кучли рақибга қарши ҳайиқмай ўйнаган ўзбекистонлик теннисчи 7:6, 7:5 ҳисобида зафар қучиб, иккинчи даврага ўтди.
Альбина навбатдаги учрашувини россиялик Екатерина Казионовага қарши ўтказади.
Фикрлар