Алиссон "Ливерпул"да муваффақиятли тиббий кўрикдан ўтди ва шартнома имзолади

Англиянинг “Ливерпуль” клуби “Рома” дарвозабони Алиссон Бекер билан шартнома имзолади. Мерсисайдликлар тез орада бу ҳақда расман эълон қилишади.

Sky Sport ҳамда The Guardian нашрлари муҳбири Фабрицио Романо тарқатган хабарга кўра 25 ёшли бразилиялик посбон “Ливерпул”да муваффақиятли тиббий кўрикдан ўтган ва шартнома имзолаган.

Эслатиб ўтамиз, бундан аввалроқ “Ливерпуль” Алиссон учун “Рома”га 66,8 млн фунт тўлаши ва шу тариқа у дунёдаги энг қиммат дарвозабонга айланиши ҳақида хабарлар тарқалган эди.