Алли: Эриксеннинг голи бизни “уйғотди”

“Тоттенхэм Хотcпур” клуби ярим ҳимоячиси Деле Алли Англия Премьер-лигасида 32-тури доирасида “Челси” устидан қозонилган ғалаба (3:1)дан сўнг ўз фикрларини билдириб ўтди.

“Бу ўйинда ютганимиз ажойиб бўлди. Бизда яхши жамоа бор ва ўз кучимизга ишонамиз. Биз ўйиннинг бошини яхши ўтказдик. Бироқ “Челси” дарвозасига аниқ зарба бера олмадик.

Кристиан Эриксеннинг голи эса бизга ўз кучимизга бўлган ишончни уйғотди. Мен иккита гол киритганимдан хурсандман. Бироқ энг муҳими, биз ҳисоб 3:1 бўлиб турганида яхши ҳимоялана олдик”, – деб айтиб ўтди Алли.