Ана холос! Косиельни ЖЧ-2018да Франциянинг ютқазишини хоҳлаган

Яқиндагина Франция терма жамоасидаги фаолиятини якунлаган "Арсенал" ҳимоячиси Лоран Косиельни французларнинг ЖЧ-2018да ғолиб чиққанидан уни ранжитганини айтди.

“Мен уларнинг ЖЧ-2018да муваффақиятли иштирок этишини истагандим, аммо, шу билан бирга уларнинг мағлуб бўлишини ҳам хоҳлагандим. Ҳа, бу худбинлик, лекин бу ҳаёт. Баъзилар айтиши мумкин: “Сен қандай қилиб Франциянинг мағлубиятини хоҳладинг?”. Лекин ўша пайтда ўзимни шундай ҳис қилдим.  Франциянинг ғалабаси менга жароҳатимдан  кўра кўпроқ руҳий таъсир қилди”, - дейди Косиельни.