Ана холос! "Пахтакор" - "Навбаҳор" учрашувидан кейинги матбуот анжуманига мухлис кириб олди ва... (видео)

Хабарингиз бор бугун Суперлиганинг 28-туридан ўрин олган “Пахтакор” ҳамда “Навбаҳор” жамоалари ўртасидаги учрашув бўлиб ўтди.

Эътиборлиси, учрашувдан сўнг матбуот анжумани бўладиган хонага аккредитацияси бўлмаган бир шахс кириб олди. У мураббийлар иштирокидаги матбуот анжумани давомида журналистлар томонидан берилган саволларга қўшилиб барчанинг эътиборини ўзига тортди. Қайд этиш лозимки, у ҳар сафар савол беришдан аввал ўзининг мухлис эканлигини бот-бот такрорлади. Шундан сўнг “Пахтакор” клуби ходими ушбу мухлисдан матбуот анжуманини тарк этишни сўраган, аммо у ўзини мухлиси экани ва бу ерда қатнашиш ҳуқуқига эга эканини иддао қилди.

Эслатиб ўтамиз, худди шундай ҳолат ўтган мавсум бўлиб ўтган “Навбаҳор” – “Пахтакор” учрашувида содир бўлган эди. Ушбу ҳолат юзасидан “лочинлар” матбуот котиби ишдан олинган эди.

Маълумот учун, қоидага кўра матбуот анжуманида фақатгина аккредитацияси бор журналистлар иштирок этишлари мумкин.