Роналду Хорватия устидан қозонилган ғалабани Диогу Жота хотирасига бағишлади

Португалия терма жамоаси сардори Криштиану Роналду Хорватияга қарши 1/16 финал баҳсидан кейин таъсирли ҳаракати билан кўпчиликнинг эътиборини тортди.

Учрашув якунланганидан сўнг у Диогу Жотанинг футболкасини кийган ҳолда майдонга чиқди ва кўзларида ёш билан осмонга ишора қилиб, ғалабани собиқ жамоадоши хотирасига бағишлади.
Португалия Хорватияни 2:1 ҳисобида мағлуб этди. Жамоа аввал Перишичнинг голидан кейин ҳисобда ортда қолган бўлса, иккинчи бўлимда Роналду пенальтини голга айлантирди. Ғалаба голини эса қўшимча дақиқаларда Гонсалу Рамуш киритди.

Эслатиб ўтамиз, Португалия терма жамоаси ва "Ливерпуль"нинг собиқ ҳужумчиси Диогу Жота 2025 йил 3 июль куни Испанияда юз берган автоҳалокатда ҳаётдан кўз юмган эди. У билан бирга унинг укаси Андре Силва ҳам ҳалок бўлган. Португалия футболчилари ушбу ғалабани айнан Жота хотирасига бағишлади.