Ана холос! "Зенит" қамоқда ўтирган футболчисини Европа лигаси қайдномасига киритди

Санкт-Петербургнинг "Зенит" клуби бош мураббийи Сергей Семак Европа лигасининг плей-офф босқичи учун жамоа қайдномасини эълон қилди.

Унга кўра жамоа сафига янги келиб қўшилган Ярослав Ракицкий, Вильмар Барриос ва Сардор Азмун каби футболчилар рўйхатдан жой олишган. Эътиборлиси, Семак айни дамда қамоқда бўлган ҳужумчи Александр Кокоринни ҳам ушбу қайдномага киритди.

Дарвозабонлар: Михаил Кержаков, Андрей Лунёв;

Ҳимоячилар: Александр Анюков, Денис Терентьев, Бранислав Иванович, Луиш Нету, Эльмир Набиуллин, Игорь Смольников, Эмануэль Маммана, Ярослав Ракицкий;

Ярим ҳимоячилар: Матиас Краневиттер, Клаудио Маркизио, Далер Кузяев, Олег Шатов, Александр Ерохин, Вильмар Барриос, Магомед Оздоев, Эрнани;

Ҳужумчилар: Сардор Азмун, Александр Кокорин, Себастьян Дриусси, Роберт Мак, Артём Дзюба, Антон Заболотний.

Булар эвазига Михаил Мевля, Кристиан Нобоа, Юрий Жирков ва Эмилиано Ригони каби футболчилар қайдномадан чиқарилишди.

Эслатиб ўтамиз, Кокорин “Краснодар” футболчиси Мамаев билан бирга жиноятга қўл ургани учун қамоқда сақланишмоқда. Айни дамда уларнинг жинояти бўйича тергов ишлари давом эттирилмоқда.

Фикрлар

Фикр қолдириш учун авторизациядан ўтинг!