Англия кубоги. Икки бор ҳисобда олдинда борган "Эвертон" қуйи лига клубига имкониятни бой берди

"The Den" стадионида кечган учрашув голларга бой тарзда ўтди ва унда сенсацион натижа қайд этилди. 43-дақиқада Ришарлисон ўзининг аниқ зарбаси билан ҳисобни очди. Тайм сўнггида эса Ли Грегори мувозанатни тиклади.

72-дақиқада эса захирадан майдонга тушган Женк Тосун яна мерсисайдликларни ҳисобда олдинга олиб чиқди, бироқ яна орадан 3 дақиқа ўтар-ўтмас Жейк Купер ҳисобни тенглаштирди.

Ҳакам томонидан қўшиб берилган 4-дақиқада эса Моррей Уоллес гол киритиб, жамоасининг иродали ғалабасини таъминлади. Шу тариқа "Миллуол" 5-босқичга йўл олди.